دنیا کی دراز زبان والی امریکی خاتون

کسی سے بدزبانی کرنے اور نامناسب استعمال کرنے والے شخص کے بارے میں عموماً یہ کہا جاتا ہے کہ اس کی زبان بہت دراز ہے۔ تاہم آج ہم آپ کو ایسی خاتون سے متعارف کرانے جارہے ہیں جس کی زبان واقعی میں بہت دراز ہے۔ جی ہاں امریکی ریاست مشی گن سے تعلق رکھنے والی ایڈریان ایسی خاتون ہے جس کی زبان صرف لمبی ہی نہیں بلکہ شاید دنیا کی سب سے لمبی زبان ہے۔

ایڈریان وہ خاتون ہے جو اپنی زبان سے اپنی آنکھوں کو چھو سکتی ہے۔اکثر سننے والوں کے لیے ایڈریان کی زبان کی طوالت کے حوالے سے یقین کرنا مشکل ہو جاتا ہے۔ یہ دنیا کی لمبی ترین زبانوں میں سے ایک زبان ہے۔ زبان کی طوالت کا یہ معاملہ موروثی ہے کیونکہ ایڈریان کی والدہ کے خاندان کے کئی افراد کی زبانیں بھی بہت لمبی تھیں۔

ایڈریان کہتی ہیں کہ مجھے ایسا لگتا ہے جیسے یہ مجھے وراثت میں ملا ہے، میں وہ عجیب بچی بن گئ ہوں جسے ہمیشہ اپنی زبان باہر نکالنی پڑتی تھی۔ وہ بتاتی ہیںکہ میری ماں کی زبان بہت لمبی تھی۔ میرے پرنانا اور نانی کی زبانیں بھی بہت لمبی تھیں۔ کئی سال سے ا یڈریان لیوس کا خیال ہے کہ اس کی زبان دنیا کی سب سے طویل زبان ہے۔ حالانکہ ان کی زبان تاریخ کی سب سے لمبی زبان نہیں تھی۔ آج ایڈریان لیوس کا اپنا یوٹیوب چینل ہے۔

انسٹاگرام اور فیس بک اور کئی دوسرے اکاؤنٹس اس کے علاوہ ہے۔ سوشل میڈیا پر وہ اپنے مداحوں کے سوالوں کا جواب بھی دیتی ہیں۔ اس دوران وہ اپنی زبان سے کچھ مضحکہ خیز کرتب بھی دکھا تی ہیں۔

ایڈریان کو امید ہے کہ وہ ’’گنیز‘‘ بک میں دنیا کی سب سے لمبی زبان کے مالک کے طور پر شامل ہو جائیں گی کیونکہ ان کی زبان کو ابھی تک انسائیکلوپیڈیا آف ریکارڈز نے ماپا نہیں ہے۔ گنیز ورلڈ ریکارڈ بک کے مطابق آج تک دنیا میں سب سے لمبی زبان کا ریکارڈ ابھی بھی 3.98 انچ (9.9 سینٹی میٹر سے زیادہ) ہے۔

تحریر سوشل میڈیا پر شئیر کریں
Back to top button