کیا انبیاء نے سیاست کی؟

سوال: کیا انبیاء کرام علیہم السلام اور صحابہ کرام نے سیاست کی ہے؟


جواب: جی ہاں، انبیاء کرام علیہم السلام سیاست کیا کرتے تھے ۔ حضرت ابو حازم رضی اللہ عنہ سے روایت ہے کہ میں پانچ سال حضرت ابوہریرہ رضی اللہ عنہ کے ساتھ رہا تو میں نے ان کو رسول اللہ صلی اللہ علیہ وسلم سے حدیث روایت کرتے ہوئے سنا کہ آپ صلی اللہ علیہ وسلم نے فرمایا: بنی اسرائیل کی سیاست ان کے انبیائے کرام علیہم السلام کرتے تھے ، جب کوئی نبی وفات پا جاتا تو اس کا خلیفہ و نائب دوسرا نبی ہوتا تھا اور میرے بعد کوئی نبی نہیں ہے اور عنقریب میرے بعد میرے خلفاء ہوں گے اور بہت ہوں گے۔ صحابہ کرام رضوان اللہ علیہم اجمعین نے عرض کیا: آپ ہمیں کیا حکم دیتے ہیں؟ آپ صلی اللہ علیہ وسلم نے فرمایا : جس کے ہاتھ بیعت کر لو اسے پورا کرو اور حکام کا حق ادا کرو‘ اللہ ان سے رعایا کے بارے میں سوال کرنے والا ہے۔ (مسم شریف کتاب الامارہ ج 2ص 126)

تحریر سوشل میڈیا پر شئیر کریں
Back to top button