بھارت کے زرمبادلہ ذخائر653.71 ارب ڈالر سے متجاوز

پاکستان کے زرمبادلہ کے مجموعی ذخائر بمشکل 15 ارب ڈالر ہیں جبکہ بھارت کے مرکزی بینک کی جانب سے جاری اعداد و شمار کے مطابق اس کے زرمبادلے کے ذخائر 21 جون کو ختم ہونے والے ہفتے میں 810 ملین ڈالر بڑھ کر 653.71 بلین ڈالر ہو گئے ہیں۔

ریزرو بینک آف انڈیا (آر بی آئی) روپے میں اضافی اتار چڑھاؤ کو روکنے کے لئے فارن ایکسچینج مارکیٹ میں مداخلت کرتا ہے۔غیر ملکی کرنسی کے اثاثوں میں تبدیلی آر بی آئی کی مداخلت کے ساتھ ساتھ ذخائر میں رکھے گئے غیر ملکی اثاثوں کی قدر میں اضافے یا کمی کی وجہ سے ہوتی ہے۔

غیر ملکی زرمبادلہ کے ذخائر میں بین الاقوامی مالیاتی فنڈ میں ہندوستان کی ریزرو قسط کی پوزیشن بھی شامل ہے۔غیر ملکی زرمبادلہ کے اعداد و شمار سے متعلق ہفتے کے دوران ڈالر کے مقابلے میں روپیہ 83.6650 کی ریکارڈ نچلی سطح پر پہنچ گیا، لیکن ہفتہ وار معمولی اضافہ ریکارڈ کیا گیا۔

پاکستان اور بھارت کے زرمبادلہ کا دور دور تک کوئی مقابلہ نہیں بلکہ معاشی ماہرین کا تو خیال ہے کہ پاکستان قرضوں کے جال میں بری طرح پھنس چکا ہے جس سے نکلنا مستقبل قریب میں دکھائی نہیں دیتا ہے۔

تحریر سوشل میڈیا پر شئیر کریں
Back to top button